Tolışə Kinə
Çı ğəşənq, çı reçin dərosnə ıştə
Tı ıştə muəxolon bokiyo rıştə
Mələk tıni vində xəcolət kəşdə
Oqardə dı gəmi tolışə kinə
Ki bətış baxşəş doə ın dimi xoli
Həşi vindeş pidə ıştı cəmoli
Ovşımən hıtdəni deştı xəyoli
Dıli piəy vəşdəni tolışə kinə
Vıl bə dar kəşdəni ıştə bılbıli
Bılbılən çı vıli teğinə kuli
Boy bıvind tı çımı ısətnə holi
Çanə dıl sutəni tolışə kinə
In eşğ oxo mıni ıştıku vardə
Tı bəmı dard mədə çı qınom kardə?
Okırın pencəku vılinə pardə
Az tıni bıvindım tolışə kinə
Iştı ətır heste vıli butədə
Pərvonə şo bedə şəmon suteədə
Iştə dıli sırri bətı voteədə
Boy məkə noz həni tolışə kinə.
Qləy az bıbum qləy tı
Taxsi məvind bılbılədə
Əçəy eşğ teğinə vılədə
Iştı bəmı doə dılədə
Qıləy az bıbum qləy tı.
Eşğım çı bandə bəşondə
Xəyoliş çımı kəşondə
Bəmı diə kardə çəşondə
Qləy az bıbum qləy tı.
Eşğ bəçımı dıl dəşeədə
Pokiətim vinde həşiədə
Ovşım bəməno beşeədə
Qləy az bıbum qləy tı
Fələk bəmı dardi doədə
Çımı çəşon oməqət roədə
Çəmə dıli orzuonədə
Qləy az bıbum qləy tı
Az botono vıl vardeədə
Iştı dardiku mardeədə
Çəşon bəmı noz kardeədə
Qləy az bıbum qləy tı
Ha Tolış
Bıjən bəştı qiri ğıbon ha tolış
Bəştı hınə zori ğıbon ha tolış
Hələ çı həziku votdən
Tarsə kəsin hələ vitdən
Həmə dı i qəvi votdən
Bıjən bəştı qiri ğıbon ha tolış
Bəştı hınə zori ğıbon ha tolış
Dıldəş sutə kurəş heste
Bəndış heste bərəş heste
Çı babəki nərəş heste
Bıjən bəştı qiri ğıbon ha tolış
Bəştı hınə zori ğıbon ha tolış
Ətrış bənə vıli be şe
Baloğlanış bılbılbe şe
Şahinən ki bılbıl beşe
Bıjən bəştı qiri ğıbon ha tolış
Bəştı hınə zori ğıbon ha tolış
Dılış bənə həşi vəşe
Əçəyku sıxan ve bəşe
Revşəniən nomış noe şe
Pəncəliən nomış noe şe
Bıjən bəştı qiri ğıbon ha tolış
Bəştı hınə zori ğıbon ha tolış
Məhəbbəte
Boy diəkə bə vıli butə
Vıli kuti bılbıl hıtə
Ki bəyoş ın ləyləy votə
Im vıli vəfo ğıryəte
Osmonədə vəşdə həşi
Boy çımıku diəro məşi
Bəçımı dıl boy tı dəşi
In dıl ıştı əmonəte
Boy tı bomı ovşum bıbi
Bənə honion ruşin bıbi
Tı anqivin tı şon bıbi
Iştə dılım az doe bətı
Dıldəm boto vılım kaştə
Boy bəçımı dıl mamənd daşddə
Boy ın dıli peqət boştə
Im boto qle fırsəte
Boy bıvıtım bətı duzi
Tovım ni hiç bəştı nozi
Dıl əbini bənə buzi
Im ki dımı ədovəte
Lap bıkonən tikə - tikə
Dast əkəşnim jıqo məkə
Mıni boto məcnun bıkə
Məhəbbəte məhəbbəte